THE FINEST CONTEMPORARY
SERAIKI POET
FROM MIANWALI
MUHAMMAD MAZHAR NIAZI IS A VERY FAMOUS POET OF MIANWALI DISTRICT. HE BELONGS TO KUNDIAN, CITY OF FAROOQ ROKHRI (HAM TUM HON GAY BADAL HO GA).TILL TODAY HE HAS 8 BOOKS AT HIS CREDIT .
میں میانوالی نہ راہساں چھوڑ ڈِیساں پیار کوں
دل میڈا چایا وَدائے پتریر تیڈے شاھر توں
زخم اِتنے چَٹ گھِدن جو جسم پتھّر تھِی گِیائے
ڈَر نی لگدا ھُنڑ میکوں کئیں ڈھاندی ہوئی دیوار توں
میڈے ہرھِک خواب دے شیشے کوں چکنا چُور کر
میں نویں کوٹھے بنڑیساں کر وَدا مسمار توں
چُنڑ گھِنو اَپڑیں قبیلے چُوں نَویں سردار کوں
سَر کپا ڈیساں کسے ڈِینہ تنگ وَداں دستار توں
ماس خورے کوں خریداری دا ڈاڈھا شوق ہے
ماس دے ٹوٹے لبھیسن حُسن دے بازار توں
سچ اَلاونڑ کوں اِتھاں معیوب سمجھا گئے میاں
اَج وِی ساڈا لوک ڈردائے سامڑیں اِظہار توں
بھیڑ اِتنی ہاکہ میڈے نال دے سب ڈھاگئے
میں پتہ نی کیویں لنگھیاں وقت دے بازار توں
کیا تیکوں میڈی ضرورت پئی اے کئیں موقعے اُتے
ھِک ڈِینہ پُچھڑِیں ہے میں اِے گل اَپڑیں وِچھڑے یار توں
چھوٹے درباراں تے وِی درباریاں دی فوج ہے
کیا بھلا اُمید رکھاں میں وَڈے دربار توں
ڈُوں مُونہیں سَپ دے حصار اِچ ہاں میں مظہرؔ کیا کراں
خوف دا منظر ڈَسیندائے پار توں اُروار توں
