مکتوبِ عیسیٰ خیل — رفیع اللہ خان کی صحافتی خدمات اور عیسیٰ خیل کی پہچان

صوبیدار (ریٹائرڈ) حاجی محمد رفیع اللہ خان ایک ہمہ جہت شخصیت ہیں جنہوں نے عسکری، تدریسی، دینی، سماجی اور صحافتی میدانوں میں اپنی گرانقدر خدمات سرانجام دیں۔ آپ کا تعلق نیازی قبیلے کی شاخ “عیب خیل” سے ہے اور 15 جولائی 1947 کو شہر عیسیٰ خیل میں ایک متوسط زمیندار گھرانے میں پیدا ہوئے۔ آپ کے آباؤ اجداد صدیوں قبل افغانستان کے علاقے غزنی کے مقام منگر سے ہجرت کر کے اس خطے میں آباد ہوئے۔

ادبی و صحافتی خدمات — مکتوبِ عیسیٰ خیل

رفیع اللہ خان کی اصل شناخت صحافت اور کالم نگاری سے جڑی ہے۔ آپ نے “میری بٹالین” کے عنوان سے اپنی رجمنٹ کی تاریخ مرتب کی اور علاقائی تاریخ و اقوام پر قلم اٹھایا۔ ان کا خاص کارنامہ “مکتوبِ عیسیٰ خیل” ہے، جو عیسیٰ خیل کی ثقافت، مسائل اور عوامی جذبات کی بھرپور ترجمانی کرتا ہے۔

روزنامہ جنگ، روزنامہ جناح، روزنامہ سنوال، جیو ٹی وی اور فیملی کیبل نیٹ ورک میں نمائندگی کرتے ہوئے آپ نے عیسیٰ خیل کے عوامی مسائل، تعلیم، صحت، غربت، بیروزگاری اور علاقائی ترقی پر تحریریں پیش کیں۔ آپ کی تحریروں میں مقامی تاریخ کا رنگ، سماجی دکھ درد اور اصلاحی جذبہ نمایاں ہوتا ہے۔

اہم عہدے اور ذمہ داریاں

سیکرٹری جنرل، پریس کلب تحصیل عیسیٰ خیل
جنرل سیکرٹری، ایکس سروس مین یونین، عیسیٰ خیل
نائب صدر، انجمن بہبود مریجان، عیسیٰ خیل
سیکرٹری جنرل، انجمن شریان، عیسیٰ خیل
سیکرٹری جنرل، کسان بورڈ تحصیل عیسیٰ خیل
سیکرٹری اطلاعات، جماعت اسلامی تحصیل عیسیٰ خیل
سیکرٹری اطلاعات، متحدہ مجلس عمل (MMA) تحصیل عیسیٰ خیل
بیورو چیف، روزنامہ سنوال، میانوالی
نمائندہ، روزنامہ جناح، لاہور

رفیع اللہ خان کی صحافتی اور سماجی خدمات نے انہیں “مکتوبِ عیسیٰ خیل” کے ذریعے ایک تاریخ ساز حیثیت عطا کی۔ آپ نے نہ صرف عیسیٰ خیل کے مسائل اجاگر کیے بلکہ نئی نسل کو اپنی دھرتی کی تاریخ، روایات اور اقدار سے روشناس کرایا۔ آپ کی خدمات لائقِ تحسین اور آنے والی نسلوں کے لیے ایک روشن مثال ہیں۔