سکندرآباد ، ملک بھر کے دوسرے علاقوں اور داؤدخیل کے کلچر کا سنگم ھے- بہت کچھ ھم نے دوسرے علاقوں کے لوگوں سے سیکھا، بہت کچھ انہوں نے ھم سے سیکھا- شائستگی ، گفتگو ، کھانے پینے اور لباس کی تراش خراش کے بارے میں ھم نے ان سے سیکھا، محبت ، ھمدردی، مہمان نوازی اور تعاون انہوں نے ھم سے سیکھا- اس لیے ھمارے آپس میں بہت مضبوط رشتے استوار ھوئے- سکندرآباد سے رٰیٹائر ھونے والا ملازم پاکستان کے کسی بھی کونے میں رھتا ھو ، داؤدخیل کے آدمی کو سرآنکھوں پہ بٹھاتا ھے-

ھمارا واسطہ زیادہ تر سکندرآباد سکول اور ھسپتال سے رھا- سکول کے پہلے پرنسپل میانوالی کے مرزاغلام حسین انگریزی کے بے مثال ٹیچر اور بہترین ایڈمنسٹریٹر تھے- ان کے بعد فیصل آباد کے مختار صاحب آئے بہت شائستہ اور فراخ دل انسان تھے- ان کے بعد پکی شاہ مردان کے ملک موسی خان نے یہ منصب سنبھالا- ھمارے بہت اچھے دوست تھے- پھر اے ڈی عابد صاحب آئے، وہ بھی ھمارے بہت پیارے دوست تھے- ان کے بعد داؤدخیل کے حبیب اللہ خان نیازی اس سکول کے پرنسپل مقرر ھوئے- میرے سٹوڈنٹ رھے- اپنے دور کے مقبول ترین ٹیچر تھے- ان پر دو پوسٹس پچھلے سال لکھ چکا ھوں- ناقابل فراموش یادیں چھوڑ کر اس دنیا سے رخصت ھوگئے- ٹیچرز میں بہت سے میرے سٹوڈنٹس بھی تھے- میرے خیال میں سب ریٹائر ھو چکے ھوں گے- فیصل آباد کے ذوالفقار شاہ اور بھکر کے ملک غلام حسین بھی میرے بہت اچھے دوست تھے-

سکندرآباد ھسپتال کے پہلے ایم ایس ڈاکٹر سید اسحق شاہ ھمار ے فیملی ڈاکٹر بھی تھے- زبردست فزیشن تھے- تقریبا چالیس سال یہاں رھے- پھر اپنے صاحبزادے کے ھاں بیرون ملک جابسے- ایک دوسال پہلے وھیں اللہ کو پیارے ھو گئے- ان کے ساتھ ڈاکٹر باجوہ ھؤا کرتے تھے- بہت اچھے سرجن تھے- پھر ڈاکٹرابوالحسن زیدی آئے- میرے بہت مہربان دوست تھے- ان کی بچیاں میری سٹوڈنٹ تھیں-

سکندرآباد ھسپتال کے موجودہ ایم ایس ڈاکٹر محمد آصف مغل بہت معروف شاعر اور مقبول شخصیت ھیں- میرے بہت پیارے دوست ھیں- فیس بک پہ بھی ان سے اکثر ملاقات ھوتی رھتی ھے-

سکندرآباد کا ایک اعزاز یہ بھی ھے کہ یہ میرے انگلش ٹیچر سر گل خان نیازی کا مسکن ھے- اللہ انہیں سلامت رکھے، مجھ سے بہت محبت کرتے ھیں – ان پہ بھی دو پوسٹس پچھلے سال لکھ چکا ھوں – ان کے صاحبزادے اکرم نیازی سکندرآباد کے سینیئر صحافی ھیں- میرے کزن اختر علی ملک بھی وھیں رھتے ھیں- وھاں فیکٹری میں ملازم ھیں-
اللہ آباد رکھے، سکندرآباد کا میری زندگی سے بہت گہرا تعلق پہلے بھی تھا ، اب بھی ھے-

 ڈاکٹرمحمد آصف مغل

سر گل خان نیازی

پی آئی ڈی سی کی چار فیکٹریز کے آغاز ھی سے داؤدخیل کے ساتھ جو ناانصافیاں اور زیادتیاں ھوتی چلی آئی ھیں ، ان کی داستان بہت طویل بھی ھے، افسوسناک بھی- فیکٹریز کے لیے ھزاروں کنال زمین اصل قیمت سے بہت کم قیمت پر خریدی گئی- زمین کی خریداری چونکہ ایک سرکاری حکم کے تحت ھوئی اس لیے زمین دینے سے انکار کی گنجائش بھی نہ تھی-

ملازمتوں میں بھی داؤدخیل کے لوگوں کو منصفانہ حصہ نہ ملا — اللہ جنت میں جگہ دے میانوالی کے امان اللہ خان نیازی ایڈووکیٹ کو جنھوں نے فیکٹریز کے ورکرز کو ان کے حقوق دلوانے کے لیے دن رات جدوجہد کر کے یہاں لیبر یونین کا قیام عمل میں لایا—– مزدوروں کو ان کے حقوق کا شعور دینے سے لےکر لیبر یونین کے آئین کی تیاری اور عدالتوں میں مزدوروں کے کیسز کی مفت پیروی تک ھر مرحلے پر انہوں نے مزدوروں کا ساتھ دیا — ان کے پاس ذاتی گاڑی بھی نہ تھی، اپنے خرچ پر روزانہ ٹرین میں سفر کر کے داؤدخیل آتے جاتے رھے- چاچا دلاسہ خان شریف خیل ان کے دست راست تھے- امان اللہ خان ، عمران خان اور انعام اللہ خان کے چچا تھے- تحریک کے پاکستان کے وقت سے لے کر آخردم تک مسلم لیگ سے وابستہ رھے- بہت بااصول اور مقبول لیڈر تھے-

ان فیکٹریز اور ان کے مزدوروں پر ھر حکومت نے ظلم کیا- کسی کا نام لینا مناسب نہیں،- ھم داؤدخیل کے لوگوں کو سب کی ایک ایک مہربانی یاد ھے- جو کسر رہ گئی تھی وہ موجودہ حکومت نے پوری کردی- پنسلین فیکٹری کی ایک اینٹ بھی باقی نہ رھی- اس وقت سب سے بڑا مسئلہ سیمنٹ فیکٹریز اور کول پلانٹس کے دھوئیں سے پھیلنے والی مہلک بیماریوں کا ھے– خاص طور پر پہاڑ کے دامن میں واقع بستی خیرآباد کو شدید خطرات لاحق ھیں – قانون کے تحت آلودگی پر قابو پانے کی تدابیر پر عمل کرنے کی بجائے محکمہ ماحولیات کے افسران کو کھلا پلاکر قانون کی آنکھوں میں دھول جھونکی جارھی ھے – عوام اور صحافی مسلسل احتجاج کر رھے ھیں، لیکن مؤثر آواز تو لیبر یونین کی ھوتی ھے- یہ ان کا فرض ھے کہ انتظامیہ سے احتیاطی تدابیر پر عمل کروائیں- ملازمتوں میں داؤدخیل کے کوٹے سے متعلق شکایات کے ازالے کے لیے جدوجہد بھی ان کا فرض ھے- خدا جانے کیا کر رھے ھیں وہ لوگ — ؟؟؟

 سکندرآباد کی فیکٹریز کے حوالے سے دااؤدخیل کےعوام سے ھونے والی کچھ نا انصافیوں اوران کے کچھ نقصانات کا ذکر کیا تھا- لیکن یہ کہنا غلط نہ ھوگا کہ ان فیکٹریوں کےقیام سے مجموعی طور پر داؤدخیل کی معیشت اور معاشرت کو نقصان کم ، فائدہ زیادہ ھؤا-

( آلودگی سے پیدا ھونے والے مسائل حل کرنے کی ذمہ داری سیاسی اور مزدور قیادت پر عائد ھوتی ھے- الیکشن میں تقریبا 6 ماہ باقی ھیں- جو بھی ووٹ مانگے آئے آپ صاف کہہ دیں کہ ووٹ اسی کو دیں گے جو الیکشن سے پہلے ھمارے یہ مسائل حل کردے )-

داؤدخیل کی نوجوان نسل نے یہاں کی غربت اور بےروزگاری کے وہ افسوسناک مظاھر نہیں دیکھے ، جو ھم نے دیکھے ھیں-
پورے شہرکی زندگی کا دارومدار بارانی زمینوں سے ھونے والی گندم کی فصل پر ھوتا تھا- نقد پیسہ بہت کم دیکھنے میں آتا تھا- لوگ اپنی ضرورت کی چیزیں گندم بیچ کر پوری کرتے تھے- اکثر لوگ دکان داروں سے سال بھر چیزیں اگلی فصل آنے تک کے وعدے پر ادھار لیتے رھتے تھے- دکان دار ادھار کا حساب کتاب لکھتے رھتے تھے- فصل اٹھانے کے بعد ادھار کی واپسی نقد رقم کی بجائے گندم کی صورت میں ھوتی تھی-

لوگ اس کوشش میں رھتے تھے کہ ادھارکم سے کم ھو- اس لیے کم سے کم چیزیں خریدتے تھے- بچے چھوٹی چھوٹی چیزوں کو ترستے رھتے تھے- پہلے ایک پوسٹ میں بتا چکا ھوں کہ لڑکوں کو شلوار اور جوتے پانچ سات سال کی عمر تک نصیب نہیں ھوتے تھے- ایک لمبے سے چولے میں ننگے پاؤں پھرا کرتے تھے- لوگ سال بھر میں بمشکل کپڑوں کے دو جوڑے بنا سکتے تھے- ایک جوڑا فصل کے بعد، ایک عید پر-
جن لوگوں کی اپنی زمین نہیں ھوتی تھی وہ اپنے بال بچوں سمیت نہری علاقوں میں جاکر فصل کاٹنے کی مزدوری کیا کرتے تھے- مزدوری میں نقد رقم کی بجائے گندم ملتی تھی- اسی گندم سے سال بھر کی ضروریات پوری کرتے تھے-

فیکٹریز کے قیام سے لوگ خاصے خوشحال بھی ھو گئے، مہذب بھی- نقد پیسہ عام ھو گیا- شاید ھی کوئی گھر ایسا ھو جس کا ایک آدھ فرد ملازم

نہ ھو- ان پڑھ لوگوں کو مزدوری ملنے لگی، میٹرک پاس اکثر نوجوان ٹائیم کیپر، کلرک یا ھیلپرکے طور پہ فیکٹریز میں بھرتی ھوگئے- اس ملازمت میں تنخواہ کے علاوہ کچھ اور سہولیات بھی ملتی تھیں- بونس کی شکل میں ایک ماہ کی زائد تنخواہ ، رعائیتی نرخوں پرکپڑا اور کھانے پینے کی چیزیں بھی ملتی تھیں-
اس انقلاب کا کچھ ذکر انشاءاللہ کل بھی ھوگا –

 

ISKANDERABAD THE INDUSTRIAL ESTATE OF MIANWALI AND IS LOCATED IN DAUD KHEL UNION COUNCIL OF MIANWALI. AS MIANWALI IS A MINERAL RICHED DISTRICT OF PAKISTAN SO IN THE EARLY DAYS AFTER INDEPENDENCE MIANWALI WAS GIVEN DUE IMPORTANCE AND SAME IS EVIDENT FROM THE AMOUNT OF WORK IN THE DISTRICT.

IN 1952 FIRST STEP TOWARD INDUSTRIATION IN MIANWALI WAS TAKEN BY CONSTRUCTION OF CEMENT AND FERTILIZER INDUSTRIES. MAPLE LEAF CEMENT FACTORY WORK WAS STARTED IN 1955 WITH THE COOPERATION OF GOVERNMENT OF CANADA. PAK AMERICAN FERTILIZER FACTORY WAS COMPLETED IN 1956.

ON 23 FEB 1956 THE FIRST PRESIDENT OF PAKISTAN  SAHIBZADA SAYYID ISKANDER ALI MIRZA CAME ON INAUGURAL CEREMONY  DUE TO WHICH AREA WAS GIVEN THE NAME OF ISKANDERABAD AND NOW KNOWN AS  ISKANDER ABAD COLONEY .IN THIS AREA MANY OTHER FACTORIES ALSO BUILT AND EXIST LIKE CAUSTIC SODA DESCON ARE ITS FAMOUS INDUSTRIES. PAKISTAN PENCILINE FACTORY AND DYING FACTORY.

 

INDUSTRIES IN ISKANDERABAD  MIANWALI

MAPLE LEAF CEMENT FACTORY LIMITED ISKANDERABAD	MIANWALI	CEMENT	1958	GREY CEMENT , WHITE CEMENT	450000 M.TONS, 30000 M.TONS
ANTIBIOTIC (PVT)LTD,. ISKANDARABAD	MIANWALI	DRUGS & PHARMACEUTICAL	1959	SYRUPS , CAPSULES , INJECTIONS , OINTMENT , SPIRIT	36 TH. LITRES , 5400 TH.NOS. , 18660 TH.NOS. , 900 TH.NOS. , 28 TH. LITRES
PAK AMERICAN FERTILIZERS LTD ISKANDERABAD	MIANWALI	FERTILIZER	1958	UREA	346500 M.TONS
MAPLE LEAF ELECTRIC CO. LTD. ISKANDARABAD	MIANWALI	POWER GENERATION	1999	ELECTRICITY	23.84 MW