بابا خاصہ -حضرت امید علی شاہ-(ملا خیل تحصیل عیسٰی خیل)
ملا خیل شہر کے قریب ہی ایک خوبصورت پہاڑی ٹیلہ موجود ہے جس کے ایک طرف پہاڑی نالہ بڑوچ گزر رہا ہے اور اسی پہاڑی کے اوپر حضرت باباخاصہ علیہ الرحمہ کا مزار موجود ہے قبرخاصی طویل یعنی نو گزی قبر ہے ۔
آپ کا شاندار مزار تعمیر کیا گیا ہے ۔ نام سے یوں معلوم ہوتا ہے کہ آپ خاص الخاص شخصیت ہیں اور یہ آپ کا اصل نام نہیں ہے ۔ آپ کا نا م اور حسب و نسب حالات زندگی سب تاریخ کے دھندلکوں میں گم ہو چکے ہیں اور صرف یہی بات طے شدہ ہے کہ آپ ایک بلند پایہ بزرگ ہستی ہیں۔
ماضی قریب کے بہت سے نامی گرامی اولیائے کرام یہاں آپ کے مزار پر حاضری دیتے رہے ہیں یا چلہ کش رہے ہیں ۔
دربار کی مسجد اور مدرسہ کی دیکھ بھال اب حافظ ارشاد اللہ کر رہے ہیں
