اجڑتی بستی نورنگا

میرا یہ شعر بہت ہِٹ ہوا — آپ حیران ہوں تو آپ کی مرضی۔ حقیقت یہ ہے کہ میں نے یہ شعر اپنی زندگی کے کسی واقعے کے بارے میں نہیں، دریا کے ہاتھوں بار بار اجڑتی بستی نورنگا (نورنگہ) کے حوالے سے لکھا تھا۔

میں نورنگہ کبھی نہیں گیا۔ اپنے محترم دوست سید عطا محمد شاہ صاحب (ہیڈماسٹر) اور پروفیسر سید گلزار بخاری سے نورنگہ کی بار بار بربادی کے دلگداز قصے سن کر ذہن میں ایک تصور سا بن گیا تھا۔ کیا عجیب بستی ہے کہ دریا اچانک اسے اپنی لپیٹ میں لے لیتا ہے۔

بار بار کے تجربے کے باعث لوگ دریا کا چلن سمجھنے لگے ہیں۔ سیلاب کی آمد سے پہلے ہی وہ جان و مال میں سے جو کچھ بچا سکتے ہیں، لے کر دریا کی زد سے دور منتقل ہو جاتے ہیں۔

گاؤں کا نام و نشان بھی باقی نہیں رہتا۔ صرف کچھ پرندے اپنے اجڑے آشیانوں کی یاد میں دریا پر منڈلاتے نظر آتے ہیں۔

نورنگہ بخاری سادات کی بستی ہے۔ یہ بستی سادات کی ان بستیوں میں سے ہے جن کا سلسلہ دریائے سندھ کے کنارے بلوٹ، ضلع ڈی آئی خان، سے کشمیر تک پھیلا ہوا ہے۔

علم و ادب کے حوالے سے یہ چھوٹی سی بستی غیر معمولی طور پر زرخیز ہے۔ ادب کی بہت سی قد آور شخصیات کا مولد و مسکن نورنگہ ہے۔

ادب کی ان بلند مرتبہ شخصیات کی تعلیم و تربیت صاحبِ نظر، درویش صفت ماہرِ تعلیم سید عطا محمد شاہ المعروف ہیڈماسٹر صاحب کی پُرخلوص محنت کا ثمر ہے۔

نورنگہ اجڑتا بستا رہے گا، مگر نورنگہ کا نام ضلع میانوالی میں علم و ادب کی تاریخ کے ایک زریں باب کا عنوان ہے اور رہے گا۔